最後一天

女更衣室男生合照..

唉.. last day咁就過左去..

好忙, 好難忘.. 一大清早就開始不斷搵人簽名, 搵人影相, 堂就唔洗上喇, 今次係難得一次獲批唔洗上堂! 哈~ 不過淨係o係班入面都行左幾堂冇停過, 搞到幾堂就開始腳軟.. 同左好多人影相呀~ 件3都簽齊咁多人既名.. 如果我冇數錯既話.. 相呢~ 應該都影得七七八八啦~ 不過好多都手震.. >< 算啦~ 幾時拎去晒好呢.. reccess訂左pizza, 又周圍影相, 簽名, 落左樓下搵人.. 之後就差唔多影晒我識既人喇~ 識又影唔識又影, 好又影唔好又影.. 唔介意啦~ 有咩仇口都冇計~

一直冇上堂到lunch, 唉.. 又要拎pizza又要彩排, 又要拎錯pizza又要換, 換完上五樓仲要俾人媽.. 算啦.. 好喇.. 彩排亂完一大輪總算搞掂, 最嬲係搞完冇人同我講去食飯.. \ /!! 不過上到去都係冇機會食飯.. 我亦都冇俾錢. =w= 唔洗旨意追我呀.. 部相機消失左又搵得番~ 多謝咁多位關心我部機既人! 真係多謝晒~ 下晝就要上台喇~ 好多人都喊.. 其實我都想架.. 不過我係度播緊相.. d相好好笑?嘛~ 我都唔想笑到咁架.. 其實我係因為顧住就番d相點出所以冇咩留意上面講緊咩姐.. 其實我都好想聽多次架! 我諗都幾感動下.. 班班都唱歌, 同感人, 冇左上幾年既搞笑.. 希望咁樣可以繼續落去啦~ 之後就俾輝輝玩.. 同埋點輝輝做野..=w= yeah!! 蝦姐又話唔喊.. 最後咪又係喊.. =p 到左最後唱校歌.. 係最後一次唱架喇! 有d sad.. 不過都係喊唔出.. 又係笑笑下咁.. 覺得自己有d冷血tim!

上返去, 影完班相, 大家就開始一個個咁離開.. 淨返一堆人, 留到最後, 同chowchow影相, 不過我部機開始冇電, 開始減少影相lu.. 全部野拎走晒, 淨番對鞋, 唔拎喇! 留番係櫃頂.. 一大班人跟左chowchow走搵佢老公同個仔.. =p 跟住就照原計劃既男女更衣室自由行, 冇計啦! 讀左五年都未入過去.. 一堆女仔對住個尿兜影相, 好正~ 但係點解女更衣室大甘多架!! 一堆男仔係入面影左相, 其實入面仲有好多其他班既人.. 有男有女, 好熱鬧! 係呀.. 就黎要四散架喇..

係球場又影下相, 入左垃圾桶入面影相, 開頭驚出唔到黎, 但係原來跳一跳就出到, 好好玩! 仲同呀恆影相.. 收到消息話夜晚成班出去食飯, 銅鑼灣B出口恆生.. 好呀! 去囉.. 走喇.. 好唔捨得.. 同呀邊個行落去, 係呀! 最後一次同佢行落去, 亦係最後一次行呢條路返屋企, 最後一次送佢返屋企.. 不過其實一個鐘後又見.. 呀!! 大家都擔心緊.. 部影機夠唔夠時間叉電..==