大個女喇~

今日先同琪慶祝(或者叫補祝啦~), 計劃係踩單車, 琴日諗爆頭先買到既禮物就係我地到左又一城先俾佢, 其後亦好快同慣例咁入番我個袋, 冇計, 佢個袋唔多夠大... 就係又一城個food court既一張奇蹟搵番黎既?上面, 我送左件禮俾佢(見下圖), 係一隻有幾件野既...狗, 係我亂包之後覺得佢似而將錯就錯的... 唔緊要啦, 都幾得意?~ 俾人摸佢個頭, 好搞野... 入面, 係一盒幹練既野, 一盒panda-z既野, 同埋主菜--他媽哥池(周圍都有既所謂limited edition), 後來佢拎左出黎玩, 然後隻狗亦變得不似狗形...整返, 放落我個袋之後就去下個check point...

去大圍, 諗住租車入大埔還, 小文打俾人問有邊間得, 條xx話係B出口一出就係, 點知一去到, 個站做緊工程, 而B出口...就係工地入面, 封左...== 咁唯有出去搵下B原本個位啦, 點知個度係荒蕪地帶= =, 無奈一堆線, 去番C, 點知就係C對面...(#&%_(!&, 好啦, 五十蚊全日, 大圍交車, 之後就行錯路... 行行下, 搵到沙田, 終於行岩~

胡胡鬧鬧, 又行番上次條路, 行過馬場, 淋緊草呀~ d水飄晒出黎, 衝埋去好正架~ 仲有彩虹睇, 好多~ 一埋水有一條, 仲要係係水入面睇到, 自然係係正面前出現, 再行行下, 呀芝唔見左, 再行行下, 伍仔就...(見上圖), 係一條隧道落斜時炒左, 搵左支水同佢洗傷口, 一淋落去, 見到佢好好好痛, 不過佢忍住...(佢忍痛個樣好得意架~ 雖然見到都幾慘, 不過真架~)濕左d紙巾俾佢抹下個傷口, 佢表現得好痛好痛(其實真係好痛), 隻腳就黐左塊膠布, 然後就係慢駛行動... 因為痛所以唔行得快, 我跟住佢, 原來慢慢行都唔錯喎~ 咁岩個度風景唔錯, 無敵海景+新既cyber building, d野岩岩起好, 好靚~ 不過琪佢地已經行到好遠lu~ 其實伍仔係個唔錯既女仔黎架~(=v=+)v 不過呢, 佢痛起上黎會唱歌麻醉自己...(唔係流行曲, 係"我唔痛呀~~"之類既野...)

依~ 見到大埔海濱公園個塔喎..(啡色, 螺旋形既回雞紀念塔) 去到有好多賣飲品雪條既"香港特色"(個人覺得)攤仔, 買水飲個時個個老闆娘好好人咁同我講個邊有個救護站, 叫我睇下有冇人可以搞下伍仔隻手, 估唔到香港仲有d咁既人, 忽然好感動...(果然係正宗香港人), 不過可惜, 冇人= =, 佢寫住話假日先開, 星期六會出去巡, 有咩查詢就打電話, 唉~ 香港有好人都要其他配合架...有救護站星期六都冇人...就係咁, 伍仔另一個希望又冇左, 而佢傷口既血都開始"鯨"喇~ 佢話好核突, 小文又係咁話, 但係我又唔覺...

踩左入去公園, 諗住搵下還車個檔野係邊, 但係唔多識路, 蕩下蕩下, 見到個公園名好騎呢, 叫"完善公園", 簡直就係etv d名, 英文仲叫做"yuen shin park", 你唔係呀fa... 小文話睇下地圖睇下有冇要搵個個乜乜花園, 我見到, 有個"迷宮花園" =v=, 岩唔岩丫? 後來去到一個公共屋村, 唔識路, 我打俾我住大埔既家姐, 點知, 冇人聽... 小文亦打左俾人, 原來行錯路, 要出番去賣水個頭, 之後再俾個個人點來點去, 但係又冇點我地, 不過係講得複雜d je... 又係既, 間單車鋪點解會係私人屋苑入面既...

之後就經一條有d恐怖既樓梯入左個商場, 嘩~ 兩個唔同既世界呀!!! 入左間萬寧, 伍仔就買左d消毒墊, 呀芝(終於提到佢既存在..sor)買左排朱古力, 三個女仔一人一粒, 兩個男仔一人半粒...= =搭車出老銅. 期間係相機大戰+send相大行動, 影完, 互send, 再影, 再send. 正!

出到老銅, 我地以經濟為我地既大前提, 揀左間$22鋸扒黎食, 四隻雞一隻牛, 咁就死左係我地刀下.
唔知下年佢生日仲有冇得大家咁開心出黎玩呢... 唉... 有得玩就玩佢喇~ 時日無多!

(唔好意思, 越寫越冇心機, 後半會好求其)