tricked. 

童言無忌

貓巴士包花紙後又一搞笑熊貓漫畫.. 其實都有少少無聊..

今日好*"慶".. 俾個大唔透既M字額細路哥玩殘.. 一個人俾人用爆粗鬧左幾次都可以繼續笑笑口厚晒面皮咁對住你既人.. 好值得俾人圍剿打鑊甘..


張姓男童幾宗罪. 諗起都想爆句粗.

-叫你做極都唔做! 做又做唔好. 做好又扮唔知! 搵你做野.. 死得啦! y sir叫你做野就拿拿聲做, 個club要做野就死拖爛拖.
[事源好幾個月前club plan好左由佢負責搞個活動, 諗住大搞, 時至今日, 佢仲未搞到個plan出黎, 仲由大搞縮做係咁意搞下, 日日催佢就日日推, 又唔見y sir叫你做野你個推? 又唔見媾女你會推? 唔好意思.. 唔記得你呢個大好人身邊咁多朋友, 由低form到高form, 個個d心情煩惱都要你幫, 乜女都俾你媾晒啦!]

-大佬. 你要搵埋我去搵呀sir都同我講聲丫.. 鬼知你幾時去咩? 忽然間唔出聲走左出去見唔到我都識返轉頭掛? 返黎仲要問我做咩唔去.. 我連你去左邊都未知呀大佬! 問..
[一大清早張姓男童同我講話要搵呀sir, 冇話幾時, reading period粒聲唔出忽然間出左班房, 搵完晒呀sir傾完一大輪上返黎先同我講話"喂你頭先做咩唔落去?"]

-喂! 你同呀sir傾左咁多野係咪完全唔洗同我講一聲你地講左d咩呀? 咁你咁勁你自己做晒佢囉. 扮可憐扮有壓力屈我落去雞同鴨講..
[當lunch掙番十分鐘既時候張姓男童忽然話"喂你要落去搵呀sir呀! 仲唔落去?"問題係佢根本冇叫過我去搵, 我問佢單野傾成點既時候佢就話冇呀唔知呀, 冇咩傾左仲傾緊. 叫佢落埋去就扮可憐嗲聲嗲氣話面對呀sir壓力好大, 落到去呀sir同我講先知原來成單野都傾左一大截, 我仲咩都唔知, 上到黎問番張同學佢竟然話"係呀! (單野)係咁呀.." 老闆! 一早同我講聲洗死呀?]

-唔該! 你唔知咁多野唔好扮晒知咁周圍同人講啦! 介成日話自己係好人, 係wor! 好人會咁做架lor.. 我既私人野唔到你管, 亦都唔到你扮晒同我熟扮晒知我好多野咁周圍同人講. 你知我d咩呀? 你知我幾多呀? 原來我既野你知得仲多過我既.. 咁好丫! 你改名唔好姓張喇..
[話說張姓男童見親同學就會o係我面前不斷講我d野, 會考. 成績. 我有冇拍拖. 我女朋友係邊個, 問題係.. 佢根本就唔知我呢d野.. d人仲要信佢先好笑囉! 第一, 我有冇拍拖關你x事, 第二, 就算有, 我都極之唔願意你不斷同人講我同我女朋友既野, 要講佢講我先, 要講我俾我講左你先. 唔該!]

由今日開始, 唔該大家唔好信呢位男童口中所透露有關我既資料, 想知就問我, 佢講野你都信? 你真係當hp神咁拜.. 下世投胎做神檯上面隻豬啦你.. 

虛

想聽歌又要聽得型又要容易又要平的方法:
為了便宜, 又容易買到, 先在任何一間電腦用品店買一部外形相似ipod nano的雜牌mp3機.
再配一對仿ipod earphone.
好了, 有了基礎, 就去買一個ipod矽膠機套, 但記著機套要有顏色和不透明, 潮得起也以免露餡.
再加一條機繩吧.. 分散注意力也好..
最後藏在口袋裡, 只露出earphone, 神不知鬼不覺地扮型人有我有.
必要時, 問朋友借來真正的ipod nano炫耀一下吧..
壞了? 無所謂, 反正只是想有聲音聽聽, 不是想聽內容.
要滿足自己嗎? 請自行到各大電器中心免費試用.
還要緊記, 朋友需要, 切忌外借.

"d人成日以為d band1既好多人追, 就益左d band2,3既, 其實d band1係冇人追架.."
-余文樂.jerry.百分百感覺2003

男生常被女生說花心, 然而女生又如何?
男生常被女生說信不過, 然而女生的承諾最後又如何?

胡.

20052006 WC 

天堂

好耐冇寫野.. 唔知點解.. 最近唔多想寫野.. 上面幅相o係學校附近影既.. 影得唔多靚..

連日趕工既唐山大地震紀念館終於完成, 不過我就搞到自己超熱氣超燥仲冇返半日學, 好彩總算搞得掂, 但係個flash好似有d bug.. 有人叫我整flash呀.. 對唔住呀.. 我連自己都搞唔掂.. 好難分身幫到手wor.. 成個project一半電腦一半手工, goldwave+rhinoceros+flash+swift3d再加卡紙偷紙膠圈顏色筆, 用埋部canon i905d印CD, 終於試到呢個function喇.. =p 好開心.. 因為隻cd真係好靚.. (我覺得..) 返到學校見到三大座模型, 嚇親.. 不過都幾靚架..

睇左national geographic channel既猶大福音, 超正.. 甚至可以推翻現有既宗教思想同聖經, 可能就係因為咁, 教宗先唔承認呢本野啦.. o係入面耶穌話, 我地崇拜既"神", 唔應該係創造呢個世界既神, 創造呢個世界既神根本就唔值得我地去崇拜, 反而, 我地要信既, 應該係我地心入面既"神", 我地要做既, 就係搵到呢個神.. 仲有一段係話, 耶穌拉猶大埋一邊同佢講野, 話佢知真正既天堂係點既樣, 我地認為相信神, 就可以上天堂, 但係耶穌就話.. "天堂係一個浩瀚無垠既地方, 從來冇天使見過, 亦都冇一個心可以領會.." 我諗.. 佢係想話.. 就算信神, 都唔一定上到天堂, 甚至, 根本就冇天堂呢個地方.. 我覺得, "天堂"只係一個吸引人去信神既東西, 係一個要你做好自己既源動力, 當你真係得到宗教對自己身同心既改變, 得到你自己心入面既神俾自己既自信, 而唔洗再靠"神"俾你之後, 去唔去到天堂, 根本唔再重要. 當時耶穌叫門徒o係佢面前企出黎, 証明佢地夠堅強, 佢地覺得自己有創物主既幫助, 己經夠堅強, 就同耶穌講"我地夠堅強", 但係始終唔敢企o係耶穌前面, 只有猶大做得到. 耶穌就拉佢埋一邊, 講左天堂既真相俾佢聽.. 我諗.. 咁即係話猶大已經搵到o個個神, 亦唔洗再靠其他既幫助去搵到自信..

前排見到一本宗教書.. 叫做"天堂是如此真實", 又令我諗番起"猶大福音".. 如果天堂係耶穌咁講既話, 又點會真實呢??

最近有套扭蛋好得意呀.. 係顏文字公仔呀!! 超正..

17052006 CB 

感覺

呵.. 對不起.. 下面的live常常都被我cut掉了.. 誰叫我大多時間都在跟別人聊天, 又不想別人看到.. 加上那個program不太穩定, 就算我開啟了, 不久又發生問題自己關掉了.. 所以嘛.. 大概要看看有什麼幸運的時間才看到了.. 呀哈哈~ 哈哈哈哈~ 別怪我啦.. 近來都沒有時間update這個blog.. 就是說.. 在忙ce的事吧.. 又或者.. 沒有什麼心情去打字吧.. 最近心情很差哩.. 太多太多事情一下子又發生了.. 我看我還是要改變一下自己對這個世界的想法了~ 也許我還是太幼稚, 想得太完美了吧~ 而且也.. 太著重.. "感覺".. 唉.. 其實還是沒什麼心情.. 遲一點再打.. 

Live!

Live!公開! 看看右邊menu的底部.. 又或者上面的圖, 就是我電腦live的實況..
這樣做很刺激呀.. 但也很危險, 怕讓人看到一些不該看的東西.. 我是有很多秘密的..
所以嘛.. 看看我何時會心情把這個鬼東西關掉..

(要是你有防火牆什麼的又或者你看不到一切port8080的東東的話.. 對不起.. 你繼port8000的一些無聊事情以後又再看不到什麼了..)